Aa |   aA
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

Liverpool ទាក់ទងចរចាគ្រូបង្វឹកក្លិប Feyenoord មកជំនួសតំណែង Jurgen Klopp

  • ចុះផ្សាយថ្ងៃទី២៤ ខែមេសា ឆ្នាំ២០២៤ ម៉ោង ២០:៤៤ នាទី ដោយ Mesa
  • 2128
  Aa |   aA

កីឡា៖ ក្លិបហង្សក្រហម Liverpool បានទាក់ទងជាមួយគ្រូបង្វឹកក្លិបហូឡង់ Feyenoord លោក Arne Slot ដើម្បីមកជំនួសតំណែងលោក Juergen Klopp ដែលនឹងចាកចេញក្រោយបញ្ចប់រដូវកាលនេះ ព្រមទាំងបានបើកការចរចាជាមួយសាមីក្លិបផ្ទាល់ផងដែរ។ នេះបើយោងតាមការចុះផ្សាយរបស់សារព័ត៌មានហូឡង់នាថ្ងៃពុធនេះ។ 

កាសែត Algemeen Dagblad បានចុះផ្សាយថា ក្លិបអង់គ្លេស Liverpool បានទាក់ទងផ្ទាល់ជាមួយ Feyenoord នៅព្រឹកថ្ងៃពុធនេះតែម្តង។ កន្លងមក លោក Arne Slot ក៏ធ្លាប់ត្រូវបានគេភ្ជាប់ព័ត៌មានជាមួយនឹងការផ្លាស់ប្តូរទៅដឹកនាំក្លិប Tottenham Hotspurs ផងដែរកាលពីរដូវកាលមុន ប៉ុន្តែចុងក្រោយលោកក៏សម្រេចចិត្តចុះហត្ថលេខាពន្យារពេលលើកុងត្រា នឹងស្នាក់នៅទឹកដីហូឡង់ជាបន្ត។ 

គ្រូបង្វឹកវ័យ ៤៦ឆ្នាំសញ្ជាតិហូឡង់រូបនេះ ត្រូវបានគេចាប់អារម្មណ៍យ៉ាងខ្លាំងជាមួយការដឹកនាំក្រុមប្រកបដោយយុទ្ធសាស្រ្ត និងភាពច្នៃប្រឌិតខ្ពស់ ជាពិសេសគឺការដឹកនាំ Feyenoord ឈ្នះជើងឯកលីគកំពូលហូឡង់រដូវកាល ២០២២/២៣ និងការឈ្នះពាន KNVB Cup កាលពីថ្ងៃអាទិត្យកន្លងទៅ។ មិនត្រឹមតែប៉ុណ្ណោះ ក្នុងរដូវកាលដំបូងរបស់លោកជាមួយក្លិប លោកក៏បានដឹកនាំក្រុមឡើងមកកាន់វគ្គផ្តាច់ព្រ័ត្រពានរង្វាន់ Europa Conference League ផងដែរ តែត្រូវរងបរាជ័យក្រោមថ្វីជើង AS Roma ដែលដឹកនាំដោយលោក Jose Mourinho។ 

គួរបញ្ជាក់ថា លោក Jurgen Klopp បានប្រកាសកាលពីខែមករាអំពីការចាកចេញពី Liverpool ក្រោយបញ្ចប់រដូវកាលនេះ ក្រោយពីលោកបានដឹកនាំ Liverpool ឈ្នះស្ទើរតែគ្រប់ពានរង្វាន់រួមមាន UEFA Champions League, Premier League, FIFA Club World Cup, FA Cup, EFL League Cup និង UEFA Super Cup ព្រមទាំងពានរង្វាន់ Community Shield ផងដែរ៕



ព័ត៌មានជាច្រើនទៀតសម្រាប់អ្នក